ಬಸವ ಜಯಂತಿ ಶುಭಾಶಯಗಳು 💐

 💐ಬಸವ ಜಯಂತಿ ಶುಭಾಶಯಗಳು 💐

II ಸಮಾನತೆಯ ಸಾರ II

ಇವನಾರವ ಅವನಾರವ ಎಂದೆನಿಸದಿರಯ್ಯ

ಇವ ನಮ್ಮವ ಅವ ನಮ್ಮವ ಎಂದೆನಿಸಯ್ಯ

ಜಾತಿಮತದ ಭೇದವನು ಅಳಿಸಿ ಬಿಡಯ್ಯ

ಮಾನವೀಯತೆಯ ದೀಪವನು ಹಚ್ಚಿ ನೋಡಯ್ಯ ||

ಕಾಯಕವೇ ಕೈಲಾಸವೆಂದು ಸಾರಿದ ಗುರುವು

ದಾಸೋಹದ ಅಮೃತಸುಧೆ ನೀಡಿದ ಕಾಯವು

ಅಸಮಾನತೆಯ ಕತ್ತಲೆಯ ಕಳೆದ ಹರಿವು

ಅರಿವಿನ ಬೆಳಗಿನೊಳ್ಮೂಡಲಿ ಹೊಸ ಅರಿವು ||

ಮೇಲು ಕೀಳೆಂಬ ಗೋಡೆಯನು ಉರುಳಿಸಿ

ಒಂದೇ ಮಣ್ಣಿನ ಮಕ್ಕಳೆಂದು ಭಾವಿಸಿ

ಪ್ರೀತಿ ಅಕ್ಕರೆಯ ಸುಧೆಯನು ಉಣಿಸಿ

ಬಸವಪಥದಿ ನಡೆಯುವ ಲೋಕಹಿತ ಬಯಸಿ ||

ಅನುಭವ ಮಂಟಪದಲಿ ಬೆಳಗಿದ ಜ್ಞಾನ

ವಚನ ಸಾಹಿತ್ಯದೊಳು ಅಡಗಿದೆ ಅಮೃತಪಾನ

ಎಲ್ಲರಿಗೂ ನೀಡೋಣ ಸಮಾನತೆಯ ಮಾನ

ಇದಲ್ಲವೇ ನಮ್ಮನಾಡ ದೊಡ್ಡ ಸನ್ಮಾನ ||

✍️ ವಿಜಯ ಲಕ್ಷ್ಮಿ ನಾಡಿಗ ಮಂಜುನಾಥ್ ಕಡೂರು