*ಹರಿಸ್ತುತಿ*

 *ಹರಿಸ್ತುತಿ*

ಹರಿಯೆ ನಮಿಸುವೆ ನಿನ್ನ ಚರಣಕೆ

ಧರೆಯ ಬೇಗುದಿ ಕುಗ್ಗಿಸು|

ಪರಿ ಪರಿಯ ದಳ್ಳುರಿಗೆ ಸಿಲುಕಿದ

ಜನರ ಬವಣೆಯ ನೀಗಿಸು||೧||

ಜಗದ ಸರ್ವವು ನಿನ್ನ ಆಣತಿ

ಯಂತೆ ಸಾಗುತಲಿರುವುದು|

ಹಗಲು ರಾತ್ರಿಗಳೆಲ್ಲವೂ ನೀ

ನೆಣಿಸಿದಂತೆಯೆ ನಡೆವುದು||೨||

ಕಡಲಕುವರಿಯ ಪತಿಯೆ ದಿನವೂ

ಬೆಳಗು ಬೈಗುಗಳೆನ್ನದೇ|

ಪಿಡಿದು ಛಲದಲಿ ಅರ್ಪಿಸುವೆ ನಾ

ನನ್ನದೆಲ್ಲವು ನಿನ್ನದೇ||೩||

ನಿನ್ನ ನಾಮಾಮೃತವ ನೆನೆದರೆ

ಭವದ ಬಾಧೆಗಳಳಿವುವು|

ಬನ್ನವೆಲ್ಲವು ಕುಗ್ಗಿ ಮನುಜನ

ಬದುಕು ಸಂತಸಗೊಳುವುವು||೪||

*ಕಿಗ್ಗಾಲು ಎಸ್ ಗಿರೀಶ್*

೨೦-೦೪-೨೦೨೬