*ಸ್ಫೂರ್ತಿಯ ಕಿರಣ*

 *ಸ್ಫೂರ್ತಿಯ ಕಿರಣ*

                       ೧

ಬಡತನದ ಬೆಂಕಿಯನು ಮೆಟ್ಟಿ ನಿಂತ,

ಬಾಳಿನ ಕಷ್ಟವನು ಧೈರ್ಯದಿ ಗೆದ್ದ,

ವಿದ್ಯೆಯ ಬೆಳಕನು ಬದುಕಿಗೆ ಹಚ್ಚಿದ,

ವಿನಯದ ಮೆರಗುಲಿ ಮನಗಳ ಗೆದ್ದ.

                         ೨

ಪ್ರಾಧ್ಯಾಪಕರಾಗಿ ಪ್ರಜ್ಞೆಯ ಬಿತ್ತಿದ,

ಪ್ರೀತಿಯ ಮಾತಲಿ ಮನವನು ತಟ್ಟಿದ,

ಸ್ನೇಹದ ಸಿರಿಯಲ್ಲಿ ಬಂಧವ ಬೆಳೆಸಿದ,

ಸಂಸ್ಕಾರದ ಹಾದಿಯಲಿ ಗೌರವ ಗಳಿಸಿದ.

                     ೩

ಕನ್ನಡದ ಕಂಪನು ಕಂಠದಿ ಮೂಡಿದ,

ಕರುಣೆಯ ಮನದಿ ಕನಸುಗಳ ನೆಟ್ಟಿದ,

ನಿಸ್ವಾರ್ಥ ಬದುಕನು ನಗುತಲೇ ನಡೆಸಿದ,

ನೈತಿಕ ಮೌಲ್ಯದ ದೀಪವ ಬೆಳಗಿದ.

                     ೪

ನಿರಾಡಂಬರ ಬದುಕಿನ ನಿಜ ಶರಣ,

ನಿಮ್ಮ ವ್ಯಕ್ತಿತ್ವವೇ ನಮಗೆ ಸ್ಪೂರಣ,

ತುಕಾರಾಮ ವಂಟಗೂಡಿ ಹೆಸರು ಚಿರಸ್ಮರಣ,

ಜನಮನ ಗೆದ್ದ ಸ್ಫೂರ್ತಿಯ ಕಿರಣ..!

ಕವಿ:ಡಾ. ಜಯವೀರ ಎ. ಕೆ.

         ಖೇಮಲಾಪುರ 

: