*ಕಾವ್ಯ ಧಾರೆ* *ನನ್ನ ಕಾಲೇಜು*

 *ಕಾವ್ಯ ಧಾರೆ* 

   *ನನ್ನ ಕಾಲೇಜು* 

೧

ನಿಸರ್ಗದ ಮಡಿಲಲಿ ನಿಂತ ಜ್ಞಾನದ ಮಂದಿರ,

ಕೆ ಎಲ್ ಇ ಕೀರ್ತಿಯಲಿ ಬೆಳಗಿದ ವಿದ್ಯಾಸಾಗರ,

ಶಿರಗುಪ್ಪಿ ನೆಲದಲಿ ಅರಳಿದ ಭವಿಷ್ಯದ ಅಕ್ಷಯಾಕರ.

೨

ಸಿದ್ದೇಶ್ವರ ಶ್ರೀಗಳ ಕರಸ್ಪರ್ಶದ ಪಾವನ ತಾಣ,

ಪ್ರಾಚಾರ್ಯರ ನೇತೃತ್ವದಿ ಬೆಳಗಿದೆ ಜ್ಞಾನದ ವಿಹಾನ,

ಗುರುಗಳ ಮಾರ್ಗದರ್ಶನದಿ ವಿದ್ಯಾರ್ಥಿಗಳ ಸಾಧನೆ ಮಹಾನ್.

೩

ಶ್ರದ್ಧೆಯ ಹೆಜ್ಜೆಯಲಿ ಸಾಗುವ ಗ್ರಾಮೀಣ ಪ್ರತಿಭೆಗಳು,

ನಿಷ್ಠೆಯ ಬೆಳಕಲಿ ಹೊಳೆಯುವ ವಿದ್ಯೆಯ ಕನಸುಗಳು,

ಗುರು–ಹೆತ್ತವರ ಕೀರ್ತಿಗೆ ಪಾತ್ರರಾಗುವ ಸಿರಿ ಮೊಗ್ಗುಗಳು.

೪

ಪಠ್ಯ–ಪಠ್ಯೇತರ ಚಟುವಟಿಕೆಯಲಿ ಮೆರೆದ ಚೈತನ್ಯ,

ಸಾಧನೆಯ ಹಾದಿಯಲಿ ಅರಳಿದ ವಿದ್ಯಾರ್ಥಿ ವೈಭವ ಧನ್ಯ,

ಮನುಕುಲದ ನಂದಾದೀಪವಾಗಿ ಹೊಳೆಯುತಿದೆ ಯುವ ಜನ್ಯ.

೫

ಜ್ಞಾನವನು ಬಿತ್ತಿದ ಗುರುಗಳ ದಿವ್ಯ ಸ್ಪರ್ಶದಿ,

ಸಂಸ್ಕಾರವನು ಕಲಿತ ವಿದ್ಯಾರ್ಥಿ ಹೃದಯದ ಹರ್ಷದಿ,

ಕಾಲೇಜಿನ ಕೀರ್ತಿ ಬೆಳಗುತ್ತಿದೆ ಸಾಧನೆಯ ಉತ್ಸಾಹದ ದೀಪದಿ.

ಕವಿ: ಡಾ. ಜಯವೀರ ಎ. ಕೆ.

        ಖೇಮಲಾಪುರ