🦜 ಮೌನವಾದ ಹಕ್ಕಿ🦜

 🦜 ಮೌನವಾದ ಹಕ್ಕಿ🦜

ದಿನವು ಮಾತನಾಡುವ ಹಕ್ಕಿ ಮೂರು ದಿನದಿಂದ ಮೌನವಾಗಿದೆ

ಜಾತ್ರೆ ಉತ್ಸವಗಳ ಖುಷಿಯಲ್ಲಿ ಬಂದು ಬಳಗದವರ ಜೊತೆ ಬೆರೆತಿದೆ II

ಆ ಚೆಲುವಿನ ಹಕ್ಕಿ ಶಿಲಬಾಲೆಯಂತೆ

ಕಲ್ಲಿನ ಕೋಟೆಯಿಂದ ಇಳಿದು ಬಂದಂತೆ |

ಕಾವೇರಿ ನದಿಯಲ್ಲಿ ಈಜಾಡಿದಂತೆ

ಎಲ್ಲ ಸೌಂದರ್ಯದ ನಿರೂಪಕಿಯಂತೆ II

ಈ ಚೆಲುವೆ ಹುಟ್ಟಿದಾಗಲೆ ಸೌಂದರ್ಯ ಹೊದ್ದು ಬಂದಿದ್ದಾಳೆ

ದಿನವು ಮೈಸೂರು ಸ್ಯಾಂಡಲ್ ನಲ್ಲಿ ಜಳಕ ಮಾಡುತ್ತಾಳೆ 1

ಪ್ರತಿದಿನ ವಾಸ್ತು ಪ್ರಕಾರ ಸೀರೆ ಉಡುತ್ತಾಳೆ

ನಗುವನ್ನು ಸದಾ ತನ್ನ ಜೊತೆ ತರುತ್ತಾಳೆ II

ಇವಳ ಒಂದೊಂದು ಮಾತು ಸವಿ ಮಾತಂತೆ

ತುಟಿಯಂಚಲ್ಲಿ ಸದಾ ಮಧು ತುಂಬಿದಂತೆ 1

ಇವಳ ನೋಡಿದರೆ ಸಾಕು ಹೃದಯ ಅರಳಿದಂತೆ

ಇವಳ ನೋಟವೊಂದು ಸುಮಬಾಣ ಎಸೆದಂತೆ II

ಪ್ರತಿದಿನ ಮಾತಾಡದಿದ್ದರೆ ಜೀವ ನಿಂತಂತೆ

ಪ್ರತಿಯೊಲೆ ಕಳಿಸದಿದ್ದರೆ ಕತ್ತಲು ಕವಿದಂತೆ I

ಇವಳು ಮೌನವಾದರೆ ಕಬ್ಬಿಣದ ಸಲಾಕೆ ಚುಚ್ಚಿದಂತೆ

ಇವಳೊಡನೆ ಮಾತಾಡಿದರೆ ನಿಂತ ನೆಲ ಚಲಿಸಿದಂತೆ II

✍️ಜೆ ಕೆ ಬಸವರಾಜು ಜಯಪುರ🌱