ಕನ್ನಡಿಯೇ ನೋಡು*

 *ಕನ್ನಡಿಯೇ ನೋಡು*

ಕನ್ನಡಿಯೇ ನೋಡು ನೋಡು ನನ್ನ ಕಣ್ಣ ಕಾಡಿಗೆ 

ನಾನಚ್ಚಿಕೊಂಡ ಈ ಕಪ್ಪು ಏನು ಹೇಳಿತು ನಿನಗೆ

ನಾಚುತ್ತ ನಿನ್ನತ್ತ ನೋಡುತ್ತಲೇ ಇರುವೆ ನಿನ್ನ ಕಡೆಗೆ

ಅತ್ತಿತ್ತ ಕಣ್ಣೊರಳಿಸಿ ಅರಳಿಸಿದಾಗ ನಿನಗಾಗಿಲ್ಲವೇ ಒಪ್ಪಿಗೆ!

ಓ ಕನ್ನಡಿಯೇ ನನ್ನ ಕಣ್ಣುಗಳೊಡನೆ ಮಾತನಾಡು

ನಾ ನಿನಗಾಗಿಯೇ ಕಣ್ಣು ಮಿಟುಕಿಸಿದೆ ನೋಡುನೋಡು 

ಈ ಕಣ್ಣಿನ ಕಾಡಿಗೆಯ ಅಂದ ಚೆಂದ ಹೊಗಳಿಬಿಡು 

ನಾ ನಿನ್ನ ನೋಡಿ ನೀ ನನ್ನ ನೋಡಿ ಹಾಡು ಹಾಡು!

ನನ್ನ ಕಾಣುವ ಬಗೆ ಹೇಗಿದೆ ಒಳಗೊಳಗೆ ತಳಮಳ

ಹೇಗೆ ಕಾಣುವುದೋ ಏನೋ ಮನೆಕೆ ಕಳವಳ

ಅತ್ತಿತ್ತ ಮುಖ ತಿರುವಿ ಮತ್ತೆ ಮತ್ತೆ ಇಣುಕುತ್ತಿರುವೆ

ಓ ಕನ್ನಡಿಯೇ ಹೇಳು ಈ ಕಣ್ಣುಗಳು ನಿನಗಿಷ್ಟವೇ!

ನನ್ನ ಕಣ್ಣುಗಳ ಕಾಡಿಗೆ ತಿದ್ದಿ-ತೀಡಿ ನೋಡುತ್ತಿರುವೆ 

ಮುದ್ದಿನಿಂದಲೇ ನೋಡಿಯೂ ಕೂಡ ಯಾಕೆ ಸುಮ್ಮನಿರುವೆ 

ನಮ್ಮಿಬ್ಬರ ಮೂಕ ನೋಟದೊಳಗೆ ಏನೇನು ಹುಡುಕಿರುವೆ

ಓ ಕನ್ನಡಿಯೇ ಮಾತಿಲ್ಲ ಮೂಕಭಾಷೆ ನಾ ನಿನ್ನ ಪ್ರೀತಿಸುವೆ

🐤 ಮಾರುತೇಶ್ ಮೆದಿಕಿನಾಳ