ಸಿದ್ದರಾಮಯ್ಯ ರಾಜೀನಾಮೆ ಬಳಿಕ ದಿಲ್ಲಿಗೆ ಹೋಗಿದ್ಯಾಕೆ..? ವಾಸ್ತವ ಸಂಗತಿ...ತಮ್ಮ ಮುಂದೆ. --- - ಸಂಗಮೇಶ ಎನ್ ಜವಾದಿ

 ಸಿದ್ದರಾಮಯ್ಯ ರಾಜೀನಾಮೆ ಬಳಿಕ ದಿಲ್ಲಿಗೆ ಹೋಗಿದ್ಯಾಕೆ..? ವಾಸ್ತವ ಸಂಗತಿ...ತಮ್ಮ ಮುಂದೆ.

---

- ಸಂಗಮೇಶ ಎನ್ ಜವಾದಿ 

ಬರಹಗಾರರು, ಪತ್ರಕರ್ತರು, ಚಿಂತಕರು, ಹೋರಾಟಗಾರರು, ಪರಿಸರ ಸಂರಕ್ಷಕರು, ಬೀದರ ಜಿಲ್ಲೆ

---

ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಕೆಲವೇ ಗಂಟೆಗಳಲ್ಲಿ ಸಿಎಂ ಸಿದ್ದರಾಮಯ್ಯ ಹಾಗೂ ಕೆಲವು ಆಪ್ತರು ದೆಹಲಿಗೆ ವಿಶೇಷ ವಿಮಾನದಲ್ಲಿ ತೆರಳಿದ್ರು. ದೆಹಲಿಯಲ್ಲಿ ವಿಮಾನ ಇಳಿಯಲಾಗದೆ ಜೈಪುರ ವಿಮಾನ ನಿಲ್ದಾಣದಲ್ಲಿ ಇಳೀತು. ಇದೀಗ "ದೆಹಲಿಗೆ ಹೋಗಿದ್ಯಾಕೆ..?" ಎನ್ನುವ ಪ್ರಶ್ನೆಗಳು ಕಾಡುತ್ತಿವೆ.

ಮೂರು ಕಾರಣಗಳು - ರಾಜಕೀಯ ಚದುರಂಗದಾಟ:

1. "ರಾಜ್ಯದಲ್ಲಿ ಇದ್ರೆ ಆಡಳಿತ ಸುಗಮ ಇರಲ್ಲ" - ಡಿಕೆಶಿ ಲೆಕ್ಕಾಚಾರ  

ಸಿದ್ದರಾಮಯ್ಯನವರು ರಾಜ್ಯದಲ್ಲೇ ಇದ್ದರೆ ಯಾವುದೇ ಕಾರಣಕ್ಕೂ ಆಡಳಿತ ಸುಗಮವಾಗಿ ಇರಲ್ಲ ಅನ್ನೋದು ಭಾವಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಗೆ ಚೆನ್ನಾಗಿ ಗೊತ್ತು. ಅಹಿಂದ ವೋಟ್ ಬ್ಯಾಂಕ್, ಸಿದ್ದರಾಮಯ್ಯನವರ ವರ್ಚಸ್ಸು, ಆಪ್ತ ಶಾಸಕರ ಗುಂಪು - ಇವೆಲ್ಲ ಹೊಸ ಸಿಎಂಗೆ ತಲೆನೋವು. ಅದೇ ಕಾರಣಕ್ಕೆ ರಾಷ್ಟ್ರ ರಾಜಕಾರಣಕ್ಕೆ ಕಳುಹಿಸಲು ರಾಜ್ಯಸಭೆಯನ್ನು ಆಯ್ಕೆ ಮಾಡಿದ್ದಾರೆ.

2. "ಸಿದ್ದು ಸುಮ್ಮನಾದರೆ ಕಾಂಗ್ರೆಸ್ ಅದೋಗತಿ" - ಹೈಕಮಾಂಡ್ ಭಯ  

ಸಿದ್ದರಾಮಯ್ಯ ರಾಜೀನಾಮೆ ಕೊಟ್ಟು ಸುಮ್ಮನಾದರೆ ಕಾಂಗ್ರೆಸ್ ಅದೋಗತಿಗೆ ಹೋಗುತ್ತದೆ ಅನ್ನೋದು ಕಾಂಗ್ರೆಸ್ ಹೈಕಮಾಂಡ್ ಅರಿವಿನಲ್ಲಿದೆ. ಲೋಕಸಭೆ ಚುನಾವಣೆ ಹತ್ತಿರ ಬರ್ತಿದ್ದು, ಅಹಿಂದ ಮತಗಳು ಕೈತಪ್ಪಿದರೆ ಕಥೆ ಮುಗೀತು. ಅದೇ ಕಾರಣಕ್ಕೆ ಸಿದ್ದರಾಮಯ್ಯ ಆಪ್ತ ಬಳಗವನ್ನು ಸೇರಿಸಿಕೊಂಡು ಸರ್ಕಾರ ಮಾಡಿದಾಗ ಸಿದ್ದರಾಮಯ್ಯ ಅನಿವಾರ್ಯವಾಗಿ ರಾಜ್ಯ ಸರ್ಕಾರದ ಭಾಗವಾಗ್ತಾರೆ. ಕಾಂಗ್ರೆಸ್‌ನಿಂದ ದೂರ ಆದರು ಎನಿಸುವುದಿಲ್ಲ. ಮುಂದಿನ ಚುನಾವಣೆಗೆ ಬಳಸಿಕೊಳ್ಳಲು ಅನುಕೂಲಕರ.

3. "ಗೊಂದಲವಾದರೆ ಜನ ಛೀ.. ಥೂ ಎನ್ನುತ್ತಾರೆ" - ಡ್ಯಾಮೇಜ್ ಕಂಟ್ರೋಲ್  

ಸಿಎಂ ಆಯ್ಕೆ ಆದ ಬಳಿಕ ಮಂತ್ರಿ ಸ್ಥಾನ, ಡಿಸಿಎಂ ಸ್ಥಾನ, ಖಾತೆ ಹಂಚಿಕೆಯಲ್ಲಿ ಗೊಂದಲ ಉಂಟಾಗಿ ಹೈರಾಣು ಆದರೆ ಮುಂದಿನ ದಿನಗಳಲ್ಲಿ ಜನರು ಛೀ.. ಥೂ ಎನ್ನುತ್ತಾರೆ. ಸಿದ್ದರಾಮಯ್ಯ ರಾಜೀನಾಮೆ ಕೊಟ್ಟಿರೋದ್ರಿಂದಲೇ ಸಾಕಷ್ಟು ಮತಗಳನ್ನು ಕಾಂಗ್ರೆಸ್ ಕಳೆದುಕೊಳ್ಳುವ ಭೀತಿ ಇದೆ. ಅದರಲ್ಲಿ ಮತ್ತಷ್ಟು ಗೊಂದಲ ಮಾಡಲು ಕಾಂಗ್ರೆಸ್‌ಗೆ ಇಷ್ಟವಿಲ್ಲ.

ಮೊದಲ ಅಜೆಂಡಾ: ರಾಜ್ಯಸಭೆ + ವಿಪಕ್ಷ ನಾಯಕ :

ರಾಜ್ಯಸಭೆಗೆ ಸಿದ್ದರಾಮಯ್ಯ ಅವರನ್ನು ಕಳುಹಿಸುವುದು ಬಹುತೇಕ ಖಚಿತ. ಸದ್ಯಕ್ಕೆ "ನಾನು ರಾಜ್ಯಸಭೆಗೆ ಹೋಗಲ್ಲ" ಅಂತ ಸಿದ್ದರಾಮಯ್ಯ ಹೇಳಿದ್ದಾರೆ. ಆದರೆ *ರಾಹುಲ್ ಗಾಂಧಿ ಹೇಳಿದಂತೆ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಇನ್ನು ಇದ್ಯಾವ ಲೆಕ್ಕ..?

ಅದೇ ಕಾರಣಕ್ಕೆ ಸಿದ್ದರಾಮಯ್ಯ ವಿಮಾನ ಜೈಪುರದಲ್ಲಿ ಇಳಿಯುತ್ತಿದ್ದ ಹಾಗೆ ಮಾಜಿ ಸಿಎಂ ಅಶೋಕ್ ಗೆಹ್ಲೋಟ್ ಅವರನ್ನು ಭೇಟಿ ಮಾಡಿಸಿ, ರಾಜ್ಯಸಭೆಗೆ ಆಯ್ಕೆ ಆಗಿ ಬರುವಂತೆ ಮನವಿ ಮಾಡಿಸಿದ್ದಾರೆ.

ಹೈಕಮಾಂಡ್ ಪ್ಲಾನ್ ಏನು?  

"ಉಪಚುನಾವಣೆಯಲ್ಲಿ ವರುಣಾದಿಂದ ಯತೀಂದ್ರ ಆಯ್ಕೆಯಾಗಲಿ, ಡಿಸಿಎಂ ಆಗಿ ಆಡಳಿತ ನಡೆಸಲಿ. ನೀವು ರಾಜ್ಯಸಭೆಗೆ ಬಂದು ಬಿಡಿ. ರಾಜ್ಯಸಭಾ ವಿಪಕ್ಷ ನಾಯಕರಾಗಿ. ನೀವೂ ನಮ್ಮ ಮೇಲ್ಪಂಕ್ತಿ‌ ನಾಯಕರಾಗಿ" ಎಂದು ಹೇಳಿದಾಗ..‌ ಸಿದ್ದರಾಮಯ್ಯನವರು ಅನಿವಾರ್ಯವಾಗಿ ಒಪ್ಪಿಕೊಳ್ತಾರೆ.

ಇದರ ಹಿಂದಿನ ರಾಜಕೀಯ:

1. ಯತೀಂದ್ರಗೆ ಪಟ್ಟಾಭಿಷೇಕ: ವರುಣಾದಿಂದ ಗೆಲ್ಲಿಸಿ ಡಿಸಿಎಂ ಮಾಡಿದರೆ ಸಿದ್ದರಾಮಯ್ಯ ಕುಟುಂಬಕ್ಕೆ ಸಮಾಧಾನ. ಅಹಿಂದ ವೋಟ್ ಬ್ಯಾಂಕ್ ಉಳಿಸಿಕೊಳ್ಳಬಹುದು.

2. ಸಿದ್ದುಗೆ ರಾಷ್ಟ್ರಮಟ್ಟದ ಸ್ಥಾನ: ರಾಜ್ಯಸಭಾ ವಿಪಕ್ಷ ನಾಯಕ ಆದರೆ ಮೋದಿ ವಿರುದ್ಧ ರಾಷ್ಟ್ರಮಟ್ಟದಲ್ಲಿ ಹೋರಾಟ. ಕಾಂಗ್ರೆಸ್‌ಗೆ ದಕ್ಷಿಣ ಭಾರತದ ಮುಖ. ಸಿದ್ದರಾಮಯ್ಯನವರಿಗೆ ರಾಷ್ಟ್ರೀಯ ಗೌರವ.

3. ಡಿಕೆಶಿಗೆ ಫ್ರೀ ಹ್ಯಾಂಡ್: ಸಿದ್ದರಾಮಯ್ಯ ದೆಹಲಿಯಲ್ಲಿದ್ದರೆ ರಾಜ್ಯದಲ್ಲಿ ಡಿಕೆಶಿ ನಿರಾತಂಕವಾಗಿ ಆಡಳಿತ ನಡೆಸಬಹುದು. ಗುಂಪುಗಾರಿಕೆ, ಬಿನ್ನಮತ ಕಡಿಮೆ.

ಆದರೆ... ಪ್ರಶ್ನೆಗಳು ಹಾಗೇ ಉಳಿದಿವೆ : ವಾಸ್ತವ ಸಂಗತಿ --

1. ಸಿದ್ದರಾಮಯ್ಯ ಒಪ್ಪುತ್ತಾರಾ? "ಅಧಿಕಾರ ಬೇಡ" ಅಂದವರು "ದೆಹಲಿ ಗಾದಿ" ಒಪ್ಪುತ್ತಾರಾ? ಸ್ವಾಭಿಮಾನಿ ನಾಯಕ ಸುಮ್ಮನೆ  ಕೈಗೊಂಬೆ ಆಗುತ್ತಾರಾ?

2. ಯತೀಂದ್ರಗೆ ಡಿಸಿಎಂ? ಒಂದು ಚುನಾವಣೆ ಗೆಲ್ಲದವರಿಗೆ ನೇರ ಡಿಸಿಎಂ ಕೊಟ್ಟರೆ ಹಿರಿಯ ನಾಯಕರಾದ ಜಿ. ಪರಮೇಶ್ವರ್, ಮಾಹಾದೇವಪ್ಪಾ, ರಾಮಲಿಂಗಾರೆಡ್ಡಿ, ಸತೀಶ್ ಜಾರಕಿಹೊಳಿ ಸೇರಿದಂತೆ ಅನೇಕರು ಸುಮ್ಮನಿರುತ್ತಾರಾ?

ಖಂಡಿತವಾಗಿಯೂ ಸುಮ್ಮನೆ ಇರಲಾರರು... ಇದು ರಾಜಕೀಯ.... ಅಲ್ಲವೇ!!

3. ಅಹಿಂದ ಮತದಾರರು ನಂಬುತ್ತಾರಾ? ಸಿದ್ದರಾಮಯ್ಯರನ್ನು "ಬದಿಗೆ ಸರಿಸಿ" ಮಗನಿಗೆ ಪಟ್ಟ ಕಟ್ಟಿದರೆ ದಲಿತ, ಹಿಂದುಳಿದ, ಅಲ್ಪಸಂಖ್ಯಾತ ಸಮುದಾಯ "ವಂಶಾಡಳಿತ" ಎಂದು ತಿರಸ್ಕರಿಸುವುದಿಲ್ಲವಾ?

ಖಂಡಿತವಾಗಿಯೂ ಈ ಬಗ್ಗೆ ಗೊಂದಲ ಮೂಡುವುದಂತೂ ಸಹಜ......

ಕೊನೆ ಮಾತು :

ದೆಹಲಿ ಯಾತ್ರೆ ಕೇವಲ "ಸೌಜನ್ಯ ಭೇಟಿ" ಅಲ್ಲ. ಇದು "ಪುನರ್ವಸತಿ ಪ್ಯಾಕೇಜ್".

ರಾಜಕೀಯದಲ್ಲಿ ಯಾರೂ ಶಾಶ್ವತವಾಗಿ ಸ್ನೇಹಿತರಲ್ಲ, ಯಾರೂ ಶಾಶ್ವತವಾಗಿ ಶತ್ರುಗಳಲ್ಲ. ಶಾಶ್ವತ ಇರುವುದು ಹಿತಾಸಕ್ತಿ ಮಾತ್ರ.

ಸಿದ್ದರಾಮಯ್ಯನವರ ಹಿತಾಸಕ್ತಿ = ಗೌರವಯುತ ನಿರ್ಗಮನ. 

ಡಿಕೆಶಿ ಹಿತಾಸಕ್ತಿ = ನಿರಾತಂಕ ಆಡಳಿತ.

ಹೈಕಮಾಂಡ್ ಹಿತಾಸಕ್ತಿ = 2024 ಲೋಕಸಭೆ ಗೆಲುವು.

ಈ ಮೂರು ಹಿತಾಸಕ್ತಿ ಸೇರುವ ಬಿಂದುವೇ "ರಾಜ್ಯಸಭೆ" ಸ್ಥಾನ.

ಆದರೆ ನೆನಪಿಡಿ: ಎಲೆ ಉದುರಿದ ಮೇಲೆ ಮರ ಬರಿದಾಗುತ್ತದೆ. ಚಿಗುರು ಬರುತ್ತದೆ ಎಂಬುದು ಭರವಸೆ ಮಾತ್ರ, ಗ್ಯಾರಂಟಿ ಅಲ್ಲ.ಎಲ್ಲದಕ್ಕೂ 

ಕಾಲವೇ ಉತ್ತರ ನೀಡಲಿದೆ.

ಅಲ್ಲಿಯವರೆಗೂ ತಾಳ್ಮೆಯಿಂದ ಕಾಯೋಣ, ಏನಂತೀರಿ.

---

- ಸಂಗಮೇಶ ಎನ್ ಜವಾದಿ 

ಬರಹಗಾರರು, ಪತ್ರಕರ್ತರು, ಚಿಂತಕರು, ಹೋರಾಟಗಾರರು, ಪರಿಸರ ಸಂರಕ್ಷಕರು, ಬೀದರ ಜಿಲ್ಲೆ