*ಭಕ್ತಿಯ ಬೇರು ಭಾವೈಕ್ಯತೆಯ ಹೂ*

 *ಭಕ್ತಿಯ ಬೇರು ಭಾವೈಕ್ಯತೆಯ ಹೂ* 

೧

 ಕೃಷ್ಣೆ  ತೀರದೊಳು  ಖೇಮಲಾಪುರ ಸೊಬಗಿನ ಊರು,

ಕಬ್ಬಿನ ತೋಟದೊಳು  ಹಸಿರೆರೆದ ಪ್ರಕೃತಿ ನೂರು,

ರಸ್ತೆಯ ಇಕ್ಕೆಲದೊಳು ನಲಿವಿನ ಹಸಿರು ಜಾಲ,

ಕಣ್ಣಿಗೆ ಹಬ್ಬವಿದು, ಮನಕೆ ಮಧುರ ಕಂಗೊಳಾಲ.

೨

ಅರಣ್ಯ ಸಿದ್ದೇಶ್ವರರ ಪವಾಡದ ಪುಣ್ಯಧಾಮ,

ಭಕ್ತರ ಕಾಮಧೇನು, ಭಂಡಾರದ ದಿವ್ಯನಾಮ,

ಶ್ರಾವಣ ಸೋಮವಾರ ಪಲ್ಲಕ್ಕಿಯ ವೈಭವ ರಂಗ,

ಅನ್ನದಾಸೋಹದೊಳು  ಅರಳುವುದು ಭಕ್ತಿಯ ಸಂಗ.

೩

ಜೈನ ಬಸದಿ ನಿಂತಿದೆ ಇತಿಹಾಸದ ಸಾಕ್ಷಿಯಾಗಿ,

ಸಿದ್ದಾರೂಢ ಮಠ ಬೆಳಗುತ್ತದೆ ಧರ್ಮದ ದೀಪವಾಗಿ,

ಯಮನೂರಪ್ಪ ಉರುಸದೊಳು ಭಾವೈಕ್ಯದ ಹೂ ಅರಳುತ,

ಹಿಂದೂ–ಮುಸ್ಲಿಂ ಹೃದಯದೊಳು ಸೌಹಾರ್ದವೇ ಮೊಳೆಯುತ.

೪

ಶಾಲೆಯ ಬೆಳಕಿನೊಳು ಬದುಕು ಕಂಡ ಅನೇಕ ಜೀವ,

ನಾಡು–ವಿದೇಶದೊಳು ಮೂಡಿದೆ ಸಾಧನೆಯ ಭವ್ಯ ತೀವ,

ಭಜನೆ–ಡೊಳ್ಳಿನ ನಾದದಿ ಜೀವಿಸುವ ಜನಮನ,

ಭಕ್ತಿಯ ಬೇರು ಭಾವೈಕ್ಯತೆಯ ಹೂ  ಕನ್ನಡದ ಹೆಮ್ಮೆಯ ಧನ.

  

ಕವಿ:ಡಾ. ಜಯವೀರ ಎ. ಕೆ.

     ಖೇಮಲಾಪುರ