ಅಶ್ರು ತರ್ಪಣ.!

 "ಇದು ಚಿತ್ರಕ್ಕಾಗಿ ಬರೆದ ಕವಿತೆಯಲ್ಲ. ಚಿತ್ರವೇ ಬರೆಸಿದ ಭಾವಗೀತೆ. ಕಾಡಿದ ಅಂತರ್ಜಾಲದ ಪಟ, ಆಂತರ್ಯಕ್ಕಿಳಿದು ಮೂಡಿಸಿದ ಪದ್ಯ. ಹೆಚ್ಚೇನು ಹೇಳಲಾರೆ.. ಚಿತ್ರ ನೋಡಿ.. ಕವಿತೆ ಓದಿ.. ನಿಮ್ಮಲ್ಲೂ ಸಾವಿರ ಸಂವೇದನೆಗಳು ಮೊರೆದಾವು. ಅಗಣಿತ ಭಾವ ಭೋರ್ಗರೆದಾವು. ಏನಂತೀರಾ..?" - ಪ್ರೀತಿಯಿಂದ ಎ.ಎನ್.ರಮೇಶ್. ಗುಬ್ಬಿ.

ಅಶ್ರು ತರ್ಪಣ.!

ಕಂಗಳ ಕಂಬನಿಗೆ ಕೊಡ

ಹಿಡಿದು ಕೂತಿದೆ ಕೂಸು.!

ಉಕ್ಕುವ ಬಿಸಿ ಭಾಷ್ಪಕೆ

ಬಿಕ್ಕುವ ರೋಧನೆ ಹಾಸು.!

ಈ ಕಂಗಳು ಸಹ ನನ್ನದೆ

ಅ ಕೂಸು ಕೂಡ ನನ್ನದೆ

ಜೀವದ ನೋವಿನ ಹನಿಗೆ

ಭಾವದ ಸ್ಪಂದನೆಯ ದನಿ.!

ಜಾರಿದ ಹನಿ ಹನಿಯಲು

ಸಾವಿರ ಸಾವಿರದ ಕಥೆ

ಮೊರೆದ ದನಿ ದನಿಯಲು

ಸಹಸ್ರಾರು ಸಾಗರದ ವ್ಯಥೆ.!

ಎ.ಎನ್.ರಮೇಶ್. ಗುಬ್ಬಿ.