ಹಾಗೆ ಒಂದು ಹಾಸ್ಯಗವಿತೆ. ಕಚಗುಳಿಯಿಡುತ ಮನ ಮುದಗೊಳಿಸುವ ನಗೆಗವಿತೆ.

 "ಹಾಗೆ ಒಂದು ಹಾಸ್ಯಗವಿತೆ. ಕಚಗುಳಿಯಿಡುತ ಮನ ಮುದಗೊಳಿಸುವ ನಗೆಗವಿತೆ. ಆನಂದದ ಹೊಂಗಿರಣಗಳ ಹರಡುವ ಆಮೋದದ ಅಕ್ಷರಪ್ರಣತೆ. ಓದಿ ಮನಸಾರೆ ನಕ್ಕುಬಿಡಿ. ನಗುನಗುತ್ತಾ ನಲುಮೆಯಿಂದೊಂದು ಕಾಮೆಂಟಿಸಿಬಿಡಿ. ನಗುವಿನಿಂದ ಅಕ್ಕಪಕ್ಕದಲ್ಲೂ ನಗೆಪ್ರಣತೆ ಹಚ್ಚಿಬಿಡಿ. ನಗೆ ಹಂಚುವುದಕಿಂತ ಮಿಗಿಲಾದ ನಾಕವೆಲ್ಲಿದೆ?. ಏನಂತೀರಾ..?" - ಪ್ರೀತಿಯಿಂದ ಎ.ಎನ್.ರಮೇಶ್.ಗುಬ್ಬಿ.

ಕೃತಿ-ಶೃತಿ 

ಸಾಹಿತಿಗಳು ಕೇಳಿದರು

ತಮ್ಮ ಪರಮಶಿಷ್ಯನ.. 

“ನನ್ನ ರಚನೆಗಳಲ್ಲಿ

ಯಾವುದಯ್ಯ ನಿನಗೆ 

ಇಷ್ಟವಾದ ಕೃತಿ..??”

ಶಿಷ್ಯ ನುಡಿದ...

“ಶೃತಿ..ಶೃತಿ..ಶೃತಿ” 

ಕಕ್ಕಾಬಿಕ್ಕಿಯಾದ ಸಾಹಿತಿ 

ಹೇಳಿದರು ಶಿಷ್ಯನಿಗೆ..

“ಏನಯ್ಯ ಇದು? 

ನಾನಿನ್ನು ರಚಿಸಿಯೇ ಇಲ್ಲ 

ಆ ಹೆಸರಿನ ಕೃತಿ!!” 

ಶಿಷ್ಯ ಸಾಹಿತಿಗಳ 

ಪಾದಹಿಡಿದು ಹೇಳಿದ..

“ಶೃತಿಯೆಂದರೆ.. ನೀವು 

ಬರೆದ ಕೃತಿಯಲ್ಲ!

ನೀವು ಈ-ಭುವಿಗೆ 

ನೀಡಿದ ಶ್ರೇಷ್ಠ ಕೃತಿ!! 

ಸುಂದರ ಬಳುವಳಿ!!

ನಿಮ್ಮ ಮಗಳು ಶೃತಿ!!!

ಕೆಡಿಸಿಹಳು ನನ್ನ-ಮತಿ! 

ಆಗಿಹೆನು ನಾನವಳಿಗೆ

ಸಂಪೂರ್ಣ ಶರಣಾಗತಿ!!

ನನಗೀಗ.. ನಿಮ್ಮ.....

ಪಾದವೇ ಗತಿ!!!” 

ಕೇಳಿ ಶಿಷ್ಯನ ಕೃತಿಪ್ರೇಮ 

ಸಾಹಿತಿಗಳಿಗೆ ಕೋಮ.!!

  

 ಎ.ಎನ್.ರಮೇಶ್. ಗುಬ್ಬಿ.