* ಪ್ರಕೃತಿ ಸೊಬಗು*

 *ಪ್ರಕೃತಿ ಸೊಬಗು*

ಪಡುವಣ ದಿಕ್ಕಲಿ ಪವಡಿಸಲ್ಹೊರಟನು

ಮೂಡಲ ಮನೆಯಾ ರವಿತೇಜ

ಬಾಂದಳ ತುಂಬಾ ಓಕುಳಿ ಚೆಲ್ಲುತ

ರಂಗನ ತಂದನು ಮಹಾರಾಜ/

ಹಸಿರಿನ ವನವದು ನಸ ನಗುತಿರುವುದು

ತುಹಿನವು ಸೋಕಲು ತರುಗಳಲಿ

ಹಸುಕರು ಮೇಯುತ ಉದರವು ತುಂಬಲು

ಖುಷಿಯಾಗಿವೆ ಗೋವ್ಗಳು ಹರುಷದಲಿ/

ಗಗನಕೆ ಚಾಚಿದ ವೃಕ್ಷವು ತೂಗುತ

ದಿನಕರಗ್ಹೇಳಿದೆ ನಮನವನು 

ಮರುದಿನ ಮರಳುತ ಹರಿಸುವ ಕಿರಣಕೆ

ಕಾಯುವೆ ಎನ್ನುವ ವಿಷಯವನು/ 

ಪ್ರಕೃತಿ ಸೊಬಗನು ಸೂಸುವ ಚಿತ್ರವು

ಮನಸಿಗೆ ತಂದಿದೆ ಉಲ್ಲಾಸ

ಇಂತಹ  ನೆಲಗಲಿ ಬದುಕುವ ಭಾಗ್ಯವೆ

 ನಲ್ಮೆಯ ನೀಡುವ ಸಂತೋಷ//

       ಗೊರೂರು ಜಮುನ