*ತಲೆಯೇ ಭಾರ..!

 "ಕಾಡಿದ ಅದ್ಭುತ ಚಿತ್ರ ಮೂಡಿಸಿದ ಸಾಲುಗಳು. ನಾನು ನನ್ನ ಕವಿತೆಗಳಿಗೆ ಚಿತ್ರ ಹುಡುಕಿ ಹಾಕುತ್ತೇನೆ ಹೊರತು ಚಿತ್ರಕ್ಕಾಗಿ ಕವಿತೆ ಬರೆಯುವುದಿಲ್ಲ. ಆದರೆ ಈ ಚಿತ್ರ, ನೋಡುತ್ತ್ತಲೇ ಕಾಡಿಸಿ ಬರೆಯುವಂತೆ ಮಾಡಿತು. ಯುಗ ಯುಗಗಳ ಜಗದ ಕಥೆ-ವ್ಯಥೆಗಳ ಸಾರವನ್ನೇ ಬಿಂಬಿಸುವಂತಿರುವ  ಈ ಚಿತ್ರಕ್ಕೆ, ಇದನ್ನು ಪರಿಕಲ್ಪಿಸಿ ಮೂಡಿಸಿದ ಆ ಅನಾಮಿಕ ಚಿತ್ರಕಾರನಿಗೊಂದು ತುಂಬಿದೆದೆಯ ಸಲ್ಯೂಟ್." - ಪ್ರೀತಿಯಿಂದ ಎ.ಎನ್.ರಮೇಶ್. ಗುಬ್ಬಿ.

ತಲೆಯೇ ಭಾರ..!

ಎಲ್ಲೆಲ್ಲೂ ಹಾರಬೇಕು

ನಮ್ಮದೇ ಬಾವುಟ.!

ಎಲ್ಲಡೆಯೂ ಸಿಗಬೇಕು

ನಮಗೇ ಕಿರೀಟ.!

ಸಕಲೆಡೆ ತೀರಬೇಕು

ನಮ್ಮದೇ ಹಟ.!

ಎಲ್ಲಡೆ ತೂಗಬೇಕು

ನಮ್ಮದೇ ಪಟ.!

ಲೋಕದೆಲ್ಲ ಸಂಕಟ

ನೋವುಗಳಿಗೆ ಕಾರಣ..

ಈ ಆತ್ಮರತಿ ಹಾರಾಟ

ಅಹಮ್ಮಿನ ಆರ್ಭಟ.!

ಈ 'ನಾನು'  'ನಾನೆಂಬ'

ಅಹಂಭಾವದಿ ತಲೆಯೇ

ಭುಜಕಾಗಿಹುದು ಭಾರ.!

ಬದುಕಿಗೇ ಸಂಚಕಾರ.!

ಎ.ಎನ್.ರಮೇಶ್. ಗುಬ್ಬಿ.