* ಮಕರ ಸಂಕ್ರಾಂತಿ *

 *ಕವನ* 

*ಮಕರ ಸಂಕ್ರಾಂತಿ*  

ಉತ್ತರಾಯಣದ ಪುಣ್ಯಕಾಲದಿ

ರಥವನೇರಿ ಬರುವ  ಸೂರ್ಯ

ಮಾಗಿಯ ಚಳಿಯನು ದೂರಕೆ ಸರಿಸುತ 

ಬಿಸಿಯ ಕೊಡುವ ಶೂರ/

ವರ್ಷವಿಡಿಯಲಿ ದುಡಿದು ದಣಿದಿಹ 

ರೈತ ಮನವು ಹಗುರ 

ಬಲಿತ ಪೈರ ರಾಶಿ ಹಾಕುತ 

ಬಣವೆ ಪೂಜಿಸುವ ಬಾರ/

ಗಂಗಳವ ಬಳಿದ ಅಂಗಳದಲ್ಲಿ

 ನೋಡು ರಂಗವಲ್ಲಿ ತೇರ 

ಚಿಗುರು ಮಾವಿನ ಹೂವ ತೋರಣ

 ನಗುವ ವಾಡೆ ತೀರ/ 

ಎಳ್ಳು ಬೆಲ್ಲವ ಬೀರಿ ಬರುತಿಹ

ಹೆಣ್ಣು ಮಕ್ಕಳ ಜೋರ

ಒಳ್ಳೆ ನುಡಿಗಳ ಹಂಚಿ ನಗುತಿಹ

 ಸಂಸ್ಕೃತಿಯ ಬಿಂಬದ ಸಾರ/

ರಾಸು ಪೂಜಿಸಿ ಕಿಚ್ಚು ಹಾಯಿಸಿ

 ಮಕರ ಸಂಕ್ರಾಂತಿಯ ಹಬ್ಬದಾಚಾರ

 ಶಿವನ ಶಿರವನು ಸೋಕಿ ಸರಿಯುವ

 ಸೊಬಗ ನೋಡುವ ಬಾರ//

       ಗೊರೂರು ಜಮುನ