ದಾಂಪತ್ಯ ಸದಾ ಹಸಿರಾಗಿರಲಿ

 ದಾಂಪತ್ಯ ಸದಾ ಹಸಿರಾಗಿರಲಿ

ನಿತ್ಯ ಹರಿದ್ವರ್ಣದ ಜೋಡಿ ಮರಗಳಂತೆ I

ದಾಂಪತ್ಯ ಉಸಿರಾಗಿರಲಿ

ಮೈಸೂರು ಮಲ್ಲಿಗೆ ಕವಿಯ ಕಾವ್ಯದಂತೆ II

ದಾಂಪತ್ಯ ಹೆಸರಾಗಿರಲಿ

ಜನಿಸಿದ ಮಗುವಿನ ನಾಮಕರಣದಂತೆ !

ದಾಂಪತ್ಯ ಸದಾ ಜೊತೆ ಇರಲಿ

ಮರವಿದ್ದೆಡೆ ನೆರಳಿದ್ದಂತೆ II

ದಾಂಪತ್ಯ ಹರಿಯುತ್ತಿರಲಿ 

ಎಂದು ಬತ್ತದ ಜೀವನದಿಯಂತೆ I

ದಾಂಪತ್ಯ ಸದಾ ಚೇತನವಾಗಿರಲಿ

ರಸಋಷಿಯ ಅನಿಕೇತನದಂತೆ II

ದಾಂಪತ್ಯದಲ್ಲಿ ಸದಾ ಅನುರಾಗವಿರಲಿ

ಅನುಮಾನಕ್ಕೆ ಜಾಗವಿಲ್ಲದಂತೆ 1

ಕೇಳುವರಾಗವೆಲ್ಲ ಸಂಗೀತವಾಗಲಿ

ಅಮೃತವರ್ಷಿಣಿ ಮಳೆ ಬಂದ0ತೆ II

✍️ ಜೆಕೆ ಬಸವರಾಜು ಜಯಪುರ🌱